Новата американска вселенска сонда ќе трага по знаци на живот во областа на северниот пол на Марс. Леталото со себе понесе и дигитална библиотека која ја покажува заинтересираноста на човечката цивилизација за црвената планета. По деветмесечниот лет сондата на површината на Марс ќе истражува дали поларната област кога било порано била поволна за појавата на живот. Брус Бетс, од непрофитабилната организација Планетарно општество вели дека леталото со себе понело дигитален видео диск од силикати и стакло како поклон за идните посетители на Марс.