Arbeid med avløysarord var dei siste åra ei av dei prioriterte oppgåvene for Norsk språkråd. Som eit ledd i dette arbeidet lanserte rådet i mars 2000 "Ordsmia". Til no har det vore over 6000 innlegg i forumet. Det er ca. 300 påmelde, men aktiviteten varierer.
Opplegget omfattar fire element:
- eit e-postforum for interesserte deltakarar (sjå nedanfor)
- ei side med lenkjer til artiklar om korleis ein kan lage avløysarord
- ei nettside med ei liste med "autoriserte" ord: "På godt norsk"
- eit oversyn over "trådar" i Ordsmia, dvs. emne som har vore drøfta
Forumet er ope for alle språkinteresserte.
Påmelding og avmelding
Send ein tom e-post til: ordsmia-subscribe@lister.sprakrad.no. Deretter får du ei melding du må svare på. Meir informasjon om funksjonane får du ved å sende ei melding til: ordsmia-help@lister.sprakrad.no.
Ein melder seg av Ordsmia ved å sende ein tom e-post til:
ordsmia-unsubscribe@lister.sprakrad.no
Her finn du eit oversyn over nyttige brukarkommandoar.
Listeprogrammet snakka opphavleg engelsk. No har vi lært det nynorsk. Kommandoadressene reknar vi med å ha på engelsk.
Nokre enkle postreglar:
Ver vennleg:
- Før du postar eit nytt spørsmål: Sjå først etter om spørsmålet/ordet har vore diskutert tidlegare.
- Ikkje post vedlegg til meldingar eller bilete i meldingar i Ordsmia.
- Kortare tekstar kan ein kopiere inn i meldingsfeltet.
- Lengre tekstar på nettet kan ein vise til ved å føre opp nettadressa.
- Treng ein vise til bilete (eller lyd) på nettet, kan ein vise til nettadressa.
- Post meldingane som rein tekst, ikkje i html-format.
Oppdatert 18. juli 2007
Foto © Ole Christiansen / BAM / Samfoto